Müasir Azərbaycan dövlətinin memarı olan Heydər Əliyevin yaratmış olduğu siyasi irs bu gün bütün detalları ilə qorunur və zamanın tələbinə uyğun olaraq inkişaf etdirilir. Azərbaycan tarixən çoxmədəniyyətli dövlət olmuşdur. Azərbaycan Respublikası dünyanın əsas multikulturalizm mərkəzlərindən biri kimi tanınır. Bunun əsas göstəricisi ölkəmizdəki etnik, dini, mədəni müxtəlifliklərin düzgün tənzimlənməsidir. Bu isə özünü cəmiyyətdə inteqrasiya proseslərinin dərinləşməsində büruzə verir. Azərbaycan çoxmillətli, çoxkonfessiyalı ölkədir ki, burada bütün etnik qrup və dinlərin nümayəndələri sülh və harmoniya şəraitində yaşayırlar.