Toplanan materiallar pedaqoji elmin və pedaqoji prosesin bütün sahələrini əhatə edir. Təlim zamanı şagirdlərin fikir fəallığını və müstəqilliyini artıra biləcək iş tərzlərinə üstünlük verilib. Yeri gəldikcə texniki vasitələrdən istifadə etməyin imkanları göstərilmiş, materialları şagirdlərin necə başa düşdüklərinə nəzarət etməyin, lazım gəldikdə onların fikirlərini dəqiqləşdirməyin yolları müəyyənləşdirilmişdir. Metodik məsləhətlərin konkretləşdirilməsində qabaqcıl təcrübəyə əsaslanmaq, müəllimlərin işində yol verilən nöqsanların qarşısını almaq üçün xüsusi məsləhətlər vermək rəhbərliyin əsasını təşkil edən prinsiplərdən biri olmuşdur.