Birliyin təqdim etdiyi bu kitab naşirlər, nəşriyyat mütəxəssisləri və nəşriyyat işini öyrənənlər üçün nəzəri-praktik vəsait kimi düşünülmüşdür. Azərbaycan dilində yazılmış və Azərbaycan müəlliflərinin - nəşriyyat işinin müxtəlif sahələri üzrə mütəxəssislərin iştirakı ilə tərtib olunmuş bu ilk kitab, yığcam şəkildə olsa da, nəşriyyat işinin bütün mərhələlərindən bəhs edir, "Əlavələr" hissəsində isə nəşriyyat fəaliyyətində istifadə edilən bir sıra standartlar və nəşriyyat-poliqrafiya terminləri haqqında məlumatlar verilir.