Şagirdlərdə müstəqilliyi, təşəbbüskarlığı, yaradıcılığı və fəallığı artırmağın açarı onun şəxsi zəhmətində, təlim əməyinin düzgün təşkilindədir. Məktəbdə şagirdin təkidli əməyi bərqərar edilsə, bilik və bacarıqlara məsuliyyətlə, yaradıcılıqla yiyələnmək halları üzə çıxarılsa qalan şagirdlər üçün nümunə olar, onlar da təlim əməyinə yaradıcılıqla yanaşar, təkidli təlim əməyinin nüfuzu və tərbiyəvi əhəmiyyəti yüksələr. Deyilənlər istisnasız olaraq bütün fənlərin: dilin, ədəbiyyatın, riyaziyyatın, fizikanın, bədən tərbiyəsinin və s.-in tədrisinə aiddir.