Müəllimi şöhrətləndirən, onu şagirdlərin, həmkarlarının, valideynlərin, ümumən xalqımızın gözündə ucaldan amillərdən biri pedaqoji ustalığa onun sahib olmasıdır. Milli pedaqogikada belə hesab edilir ki, pedaqoji prosesin cərəyan etdiyi bütün sahələrdə pedaqoji ustalığa yiyələnmək imkanı olur. Milli pedaqogikada sübut olunduğu kimi, təlimin, tərbiyənin, təhsil və pedaqoji inkişafın vəhdəti elə pedaqoji prosesdir. Azacıq diqqət yetirən şəxs yəqin edər ki, pedaqoji ustalıq məfhumu pedaqoji proses məfhumundan törəmədir.