Monoqrafiyada Azərbaycan dilinin morfologiyasının bir sıra aktual məsələləri funksional-morfematik təhlilə cəlb olunur. Söz qavramı, əsası və forması, morfem, morf və allomorf anlayışları açıqlanır, sözün mənası və anlamı bir-birindən konseptual-semiotik özəlliklərinə fərqləndirilir. Felin tərz, növ və şəkil kateqoriyaları həm leksik-semantik, həm də qrammatik-üslubi quruluşları ilə öyrənilir, ikincilərin və üçüncülərin yeni linqvistik təsnifləndirmələri aparılır. Bununla bərabər, felin leksik- semantik sistemi leksematik olaraq araşdırılır və Azərbaycan dilində feillərin ayrı-ayrı tematik qrupları konkret örnəklərinə görə təsbit edilir.