Yaxın Şərq regionunda uzun müddətdir davam edən ərəbİsrail münaqişəsi günümüzədək öz ədalətli həllini tapmamışdır. Şübhəsiz ki, münaqişənin tənzimlənməsi istər regionun, istərsə də beynəlxalq münasibətlərin inkişafına öz müsbət töhfəsini verə bilər. Bu baxımdan, region ölkələrinin, xüsusilə də, İsrail və Fələstin Muxtariyyatının həyata keçirdikləri siyasətin, dünyanın aparıcı dövlətlərinin buna münasibətinin, baş verən proseslərin beynəlxalq münasibətlərə təsirinin öyrənilməsi zərurət olaraq ortaya çıxır.