Yaxın Şərq geoiqtisadi və geosiyasi əhəmiyyətinə görə hər zaman qlobal güclərin söz sahibi olmaq istədiyi əsas regionlardan biri olduğuna görə Suriya böhranı və onun regional və beynəlxalq xüsusiyyətləri elmi cəhətdən böyük əhəmiyyət kəsb edir. Suriya və onun yerləşdiyi Yaxın Şərq regionu Qərb üçün hər zaman vacibliyini qoruyub saxlamaqdadır. Suriya strateji və coğrafi mövqeyi, onun İraq, Livan, İordaniya və xususilə də ABŞ-ın regiondakı əsas müttəfiqləri olan Türkiyə və İsrail kimi dövlətlərlə həmsərhəd olması, Qərb dövlətləri ilə sahib olduğu tarixi əlaqələri və təhlükəsizlik məsələləri ilə həmişə Qərbin diqqət mərkəzində olmuşdur.