SSRİ-nin parçalandığı andan etibarən Ukrayna ilə Rusiya arasında əməkdaşlıq və münaqişə elementləri özünü eyni zamanda göstərirdi. Krımın mənsubiyyəti, Qara dəniz donanmasının bölgüsü, onun rus hissəsinin Sevastopoldakı baza məntəqələrində yerləşdirilməsi haqqında məsələlərin nizamlanması çətinliklə keçirdi. Buna baxmayaraq, 1990-cı illərin sonları üçün Rusiya-Ukrayna münasibətlərində, o cümlədən də hərbi-siyasi təhlükəsizlik sahəsində normallaşma dövrü başlandı. Lakin, Ukraynanın son illərdə Qərbə yönəlik xarici siyasəti Rusiyada müəyyən əndişələr yaratmaya bilməz. SSRİ parçalandıqdan sonra Ukrayna öz əməli siyasətini Rusiyadan hərbi-siyasi kənarlaşma prinsipi üzərində qurur.