Məlum olduğu kimi, ədəbi dilin tələffüz normaları anlayışı həmin dilin fonetik quruluşunun bütün tərkib hissələrini, o cümlədən fonemlər (səslər) ilə yanaşı, söz və cümlə vurğusunu, tonları, nitqin melodiyasını, tempini, fasiləsini, səs diapazonunu, səs registrini və s. prosodik ünsürləri özündə birləşdirir. Səsli dil, ümumiyyətlə, danışıq aktının əsas xassəsidir və bu xassə nitqin bütün növlərində, eləcə də nitq proseslərində (dinləmə, danışma, eləcə də oxuma, yazma zamanı) təzahür edir.