XX əsr ABŞ ədəbiyyatının tanınmış simalarından olan yazıçı Sidni Şeldonun (1917-2007) ədəbi irsi bu gün də dünya ədəbiyyatında özünəməxsus yer tutur. ABŞ ədəbiyyatında müxtəlif ədəbi metodların yüksəliş keçirdiyi bir dövrdə ədəbiyyata gələn istedadlı qələm sahibinin zəngin yaradıcılığı onun öz sağlığında istər ədəbi-elmi ictimaiyyət, istərsə də geniş oxucu kütlələri tərəfindən böyük rəğbət və maraqla qarşılanmışdır.