“Dil – özünüdərk qarşılıqlı əlaqələrində ingilis dilinin yeri: Azərbaycan işgüzar mühitində mövcud dil praktikası nümunələrinin təhlili” başlığı altında verilmiş elmi dissertasiyada biz başlıca olaraq sosiolinqvstikanın əsas tədqiqat obyektlerindən olan dil və özünüdərk qarşılıqlı əlaqəsinə, bununla bağlı dil davranışı və dilə münasibət formalaşdıran faktorlara toxunacağıq. Bundan əlavə, elmi işdə dil mühiti və dillərin sosial prestiji ilə bağlı fikirlər də yer almaqdadır. Dissertasiyanın üçüncü fəsli daha çox praktik yönümlüdür, Azərbaycan iş mühitindən götürülmüş bir neçə nümunələrin təhlili əsasında yazılmışdır. Xüsusilə də, iki və ya daha çox istifadə olunduğu mühitlərlə bağlı nümunələr ön plana çəkildiyindən kod keçidi məsələsinə ayrıca diqqət yetirilmişdir.