Təqdim olunan dissertasiya temporallığın bəzi ifadə vasitələrinin mətnyaradıcı funksiyasının tədqiqinə həsr olunmuşdur. Mətnin mənası qəbuledici tərəfindən yalnız konkret şərait çərçivəsində başa düşülür və bunu müəyyənləşdirən amillərdən biri də temporallıqdır. Temporallıq subyektin şüurunun mətn kommunikasiyası prosesində mətn zamanı kimi çıxış edən obyektiv zaman strukturunu müəyyənləşdirmək qabiliyyətidir.