Azərbaycan ədəbiyyatının, xüsusilə də, klassik ədəbiyyatın dil və üslub səviyyələrinin araşdırılması müasir dövrün gündəmində duran aktual məsələlərdən biridir. Müstəqilliyimizin əldə edilməsindən sonra mədəniyyət, tarix və ədəbiyyat sahəsində aparılan tədqiqat işlərində aktivlik muşahidə olundu. Respublika prezidenti cənab İlham Əliyevin 12 yanvar 2004-cü ildə qəbul etdiyi “Azərbaycan dilində latın qrafikası ilə kütləvi nəşrlərin həyata keçirilməsi” haqqında sərəncamı Azərbaycan klassiklərinin yenidən çap olunması və araşdırılmasına şərait yaratdı.