Ceyms Coysun “Dubliners”(“Dublinlilər”) hekayələr toplusu yazıçının ilk əsəri olub Dublin həyatının ən müxtəlif qeyri-adi tərəflərini təsvir edir. Hekayələrdəki bu təsvirlər sadəcə realist təsvir olmaqla yanaşı, hər bir detal elə məharətlə seçilib və təşkil olunub ki, istənilən bitmiş fikirdə hər hansı rəmzi mənaya rast gəlmək olur. Hekayələr toplusu insan taleyi, onun həyat tərzi, insanlar arası münasibətlərdən, cəmiyyətin ona göstərdiyi etinasızlıqdan doğan mənəvi böhranı təsvir edir.