Dilçilik elmi bugünkü səviyyəyə çatana qədər uzun inkişaf yolu keçmiş və bu yolda müəyyən uğurlara nail olsa da, linqvistik müstəvidə nəzəri və praktik istiqamətlərdə əldə olunan uğurlarla qənaətlənməmişdir. Tədqiqat obyektinin daha dərindən öyrənilməsi üçün dilçilikdə yeni-yeni metod və üsullar axtarılmışdır. Humanitar elmlərin indiki inkişaf mərhələsinin əsas xüsusiyyəti linqvistika, ritorika, psixologiya, sosiologiya və s. elm sahələrinin nailiyyətlərinin ümumi kommunikasiya nəzəriyyəsinin yaradılması yolunda birləşdirilməsidir.