Mövzunun aktuallığı ilk növbədə sosial həyatın oturuşmuş norma və dəyərlər sistemi, müasir cəmiyyətin qarşısında duran sosial problemlərin inkişaf xarakteri, dərin sosial-iqtisadi, siyasi və mənəvi törəmələri ilə şərtlənir. Son dövrlərdə kişi və qadın rollarının dəyişilməsi o qədər sürətlə baş verir ki, tam olaraq kütlə bu dəyişikliklərə adaptasiya ola bilmir. Bir çox rolların öhdəsindən gələ bilməyən kütlə özünü realizə edə bilmir, bu da cəmiyyətdəki stabilliyə xələl gətirir və eyni zamanda, gender münasibətlərində, insanların bir-birlərinə olan münasibətlərində əks olunur.