"Yarımçıq əlyazma" romanı ilk dəfə 2004-cü ildə nəşr olunmuşdur. Daha sonra əsər Fransada, Türkiyədə, Rusiyada, Braziliyada, Polşada tərcümə olunaraq nəşr edilmişdir. Misirdə ərəb dilində çapa hazırlanır. Oxucuların romana böyük maraq göstərdiyini nəzərə alaraq kitabın Azərbaycan dilində ikinci nəşrini məqsədəuyğun hesab etdik. Roman Dədə Qorqud, Şah İsmail Xətai və müasir dövr insanlarının bir-birilə ünsiyyət cəhdinin bədii ifadəsidir.