Azərbaycan Respublikasının Prezidenti, xalqın sevimli oğlu və ümummilli lideri Heydər Əlirza oğlu Əliyevin çıxışları, nitqləri, müxtəlif səviyyəli görüşlərdə söhbətləri, bəyanatları, həmçinin təbrik teleqramları və müsahibələrindən ibarət " Müstəqilliyimiz əbədidir" çoxcildliyinin növbəti-12-ci kitabı 1997-ci il avqustun 17-dən oktyabrın 29-dək olan dövrü əhatə edir. Kitabda dahi rəhbərin Polşaya, İtaliyaya, Vatikana rəsmi səfərlərində bu ölkələrin dövlət və hökümət başçıları ilə apardığı dərin məzmunlu danışıqların, imzalanmış yeni saziş və müqavilələrin əhəmiyyətindən, müxtəlif mətbuat orqanlarına verdiyi müsahibələrindən, Avropa Şurasının üzvü olan ölkələrin Strasburq görüşündə Heydər Əliyevin başçılıq etdiyi Azərbaycan nümayəndə heyətinin fəal iştirakından, GUAM təşkilatının yaradılması prosesindən, Ermənistan-Azərbaycan münaqişəsinin ədalətli həlli uğrunda böyük öndərin əzmlə irəli sürdüyü yeni sülh təşəbbüslərindən ətraflı həbs olunur. Cilddə, həmçinin ölməz Prezidentimizin Azərbaycanın görkəmli ədəbiyyat və incəsənət xadimləri ilə çoxsaylı görüşlərdə bu şəxslərə verdiyi böyük qiymət və dəyərli tövsiyyələr öz yerini tapmışdır.