Dahi şəxsiyyət, böyük siyasi və dövlət xadimi, Azərbaycan xalqının qurtuluş mübarizəsinin öndəri Heydər Əlirza oğlu Əliyevin oxuculara təqdim olunan və onun 1998-ci ilin iyul-oktyabr aylarında gündəlik iş fəaliyyəti zamanı apardığı danışıqları, keçirdiyi görüşləri, etdiyi çıxış və nitqləri özündə birləşdirən bu növbəti cilddə Azərbaycanın ictimai-siyasi həyatına, iqtisadiyyatda müsbət dəyişikliklərinin əsasının qoyulmasına, dövlət idarəçiliyinin təkmilləşdirilıməsi strategiyasının başlıca parametrlərinin müəyyən edilməsinə, bu müddət ərzində görülən tədbirlərin, hazırlanan proqramların ictimai-tarixi dəyərinə həsr olunmuş materiallar toplanmışdır. Kitabda əvəzsiz,fenomen bir şəxsiyyətin və rəhbərin təşəbbüsü ilə Bakıda keçirilmiş tarixi Böyük İpək Yolunun bərpasına yönəlmiş beynəlxalq konfransda, Azərbaycan qadınlarının, müəllimlərinin, Qafqaz müsəlmanları qurultaylarında etdiyi dərin məzmunlu çıxış və nitqləri, bir sıra dövlətlər arasında iqtisadi, siyasi, mədəni əlaqələrin möhkəmləndirilməsindən bəhs edən materiallar təqdim olunmuşdur. Cilddə, həmçinin Heydər Əliyevin Azərbaycanın ədəbiyyat, mədəniyyət, incəsənət, elm, din və idman xadimlərinə verdiyi yüksək qiymət və etdiyi tövsiyyələr də öz yerini tapmışdır.