Görkəmli dövlət xadimi, xalqımızın ümummilli lideri Heydər Əlirza oğlu Əliyevin oxuculara təqdim olunan növbəti cildində Naxçıvan MR-nın 75 illik yubiley tədbirlərində iştirak etməsi, keçirdiyi görüşləri, blokada şəraitində yaşayan diyarın iqtisadi-sosial, elmi və mədəni inkişafına dair dərin məzmunlu nitqləri, çıxışları, kütləvi informasiya vasitələrinə verdiyi müsahibələri toplanmışdır. Kitabda, həmçinin "Əsrin müqaviləsi"nin 5-ci ildönümünə həsr olunmuş sənədlər, dünyanın bir çox dövlət və hökumət başçılarına, beynəlxalq təşkilatların rəhbərlərinə və görkəmli şəxsiyyətlərə ünvanladığı məktublar, bir sıra xarici dövlətlərin nümayəndə heyəti ilə, həmçinin, ədəbiyyat və incəsənət xadimləri ilə görüşlərə aid materiallar öz əksini tapmışdır. Bu cilddə dahi rəhbərin respublikamızın əldə etdiyi uğurlardan, iqtisadiyyatın inkişafından, müstəqil, demokratik, hüquqi dövlət quruculuğu sahəsində ölkəmizin nailiyyətlərindən, Azərbaycanın beynəlxalq aləmdəki artan nüfuzundan, dünya dövlətləri arasında özünə layiqli yer tutmasından bəhs edən çıxışları və nitqləri daxil edilmişdir.