Ümummilli lider Heydər Əlirza oğlu Əliyevin çıxışları, nitqləri, bəyanatları, müxtəlif görüşlərdə söhbətləri, müsahibələri, həmçinin məktub və teleqramlardan ibarət " Müstəqilliyimiz əbədidir" çoxcildliyinin növbəti-24-cü cildi 1999-cu il dekabrın 14-dən 2000-ci il fevralın 5-dək olan dövrü əhatə edir. Kitabda ulu öndərin Yeni Azərbaycan Partiyasının I qurultayında dərin məzmunlu nitqi, Azərbaycanda bazar iqtisadiyyatının, sahibkarlığın inkişafı və bu inkişafın sürətləndirilməsi, ictimai-siyasi həyatın digər vacib məsələlərinə dair materiallar verilmişdir. Kitabda, həmçinin Heydər Əliyevin Moskvada MDB-nin üzvü olan ölkələrin dövlət başçılarının Zirvə görüşündə, İsveçrənin Davos şəhərində Ümumdünya iqtisadi formununda "Qafqazın və Mərkəzi Asiyanın perspektivləri: "İpək yolu və böyük oyun" mövzusunda keçirilmiş sessiyada çıxışı, ikitərəfli görüş, danışıq və söhbətləri sessiya iştirakçılarının suallarına verdiyi cavablar toplanmışdır. Cilddə, eyni zamanda ədəbiyyat, incəsənət, idmançılar və onların məşqçləri ilə görüşləri, bu şəxslərə verdiyi böyük qiymət və dəyərli tövsiyyələröz əksini tapmışdır.