Müstəqil Azərbaycan dövlətinin ümummilli lideri Heydər Əliyevin oxuculara təqdim olunan bu növbəti cildində Azərbaycana gələn beynəlxalq təşkilatların nümayəndələri ilə görüşlərin, danışıqların, Rusiya Federasiyası ilə Azərbaycan arasında qarşılıqlı münasibətlərin inkişafını əks etdirən Bakı bəyannaməsinin materialları dərc olunmuşdur. Kitabda ulu öndərin Fransaya rəsmi səfəri zamanı bu ölkənin prezidenti Jak Şirak ilə, digər yüksək vəzifəli şəxslərlə apardığı danışıqları, Azərbaycan Respublikasının Avropa Şurasına üzv qəbul edilməsi ilə əlaqədar təntənəli mərasimdə, AŞ Parlament Assambleyasının sessiiyasında Azərbaycanın milli mənafeyini əks etdirən nitqi, mətbuat orqanlarına verdiyi müsahibələri, Azərbaycan, Fransa və Ermənistan prezidentlərinin görüşləri və bəyanatları, Azərbaycan–Ermənistan, Dağlıq Qarabağ münaqişəsinin sülh yolu ilə həll olunması prosesinə aid materiallar da verilmişdir. Bütün cildlərdə olduğu kimi bu cilddə də Prezident Heydər Əliyevin Pespublikamızın sürətli iqtisadi tərəqqisi və yüksəlişinə, eləcə də ictimai-siyasi həyatın mühüm məsələlərinə dair materialları da öz əksini tapmışdır.