Xalqımızın Ümummilli lideri Heydər Əlirza oğlu Əliyevin oxuculara təqdim olunan bu növbəti cildinə Azərbaycana gələn bir sıra xarici dövlət və hökumət, beynəlxalq təşkilat nümayəndələri, respublikamızın kütləfi informasiya vasitələrinin rəhbərləri, görkəmli musiqiçi M.L.Rostropoviç ilə görüşlərin materialları, Yeni Azərbaycan Partiyasının 2-ci qurultayında söylədiyi dərin məzmunlu nitqi daxil edilmişdir. Kitabda ulu öndərin Moskvada MDB-nin üzvü olan ölkələrin yubiley zirvə görüşündə dövlət və hökumət başçıları ilə təkbətək görüşləri, «Qafqaz dördlüyü» ölkələrinin prezidentlərinin görüşləri və bəyanatları, Dağlıq Qarabağ münaqişəsinin beynəlxalq hüquq normalarına uyğun həll olunmasına aid materiallar verilmişdir. Burada, həmçinin Rusiya Federasiyasına rəsmi səfəri zamanı dövlət xadimləri, Moskva Dövlət Universitutinun professor-müəllim və tələbə heyəti ilə görüşləri, İTAR-TASS Agentliyi və RF-nın digər aparıcı kütləvi informasiya vasitələrinin nümayəndələri ilə danışıqları, Rusiya ilə Azərbaycan arasında uzunmüddətli iqtisadi əməkdaşlığın inkişafına dair materiallar da öz əksini tapmışdır.