Xalqımızın ümummilli lideri Heydər Əlirza oğlu Əliyevin çoxcildlik əsərlərinin oxuculara təqdim olunan bu növbəti cildində GUÖAM-ın üzvü olan ölkələrin dövlət başçılarının Yalta zirvə görüşündə nitqi, E.Şevardnadze, L.Kuçma, RF-nın Ukraynadakı səfiri B.Çernomırdin ilə, Ukraynada yaşayan soydaşlarımızla danışıqları ölkəmizə səfər etmiş İtaliya, Lüksemburq, Yaponiya, Türkiyə, ABŞ, Almaniya, Ukrayna və Fransanın nüfuzlu dairələrinin nümayəndələri ilə söhbətləri verilmişdir. Kitabda Heydər Əliyevin respublikamızın milli mətbuat gününə həsr olunmuş mərasimdəki parlaq nitqi və Bakı Mətbuat Klubunun təsisçiləri ilə görüşdəki dərin məzmunlu çıxışı, həmçinin Dağlıq Qarabağ probleminin həlli və münaqişənin nizama salınmasına həsr olunmuş materiallar dərc olunmuşdur. Bu cilddə, həmçinin Naxçıvan Muxtar Respublikasına səfəri zamanı muxtar respublikanın sosial-iqtisadi proqramının həyata keçirilməsi ilə əlaqədar Ali Məclisdə keçirilən müşavirədə Naxçıvanda Beynəlxalq hava limanının tikintisinə, AMEA Naxçıvan bölməsinin yaradılmasına dair nitq və çıxışları, Şahbuz, Sədərək, Şərur, Babək rayon sakinləri ilə görüşlərdəki söhbəti, respublikanın və xarici ölkələrin KİV nümayəndələri üçün keçirilən mətbuat konfransında çıxışı və digər materiallar öz əksini tapmışdır.