Müstəqil Azərbaycan dövlətinin banisi, xalqımızın ümummilli lideri Heydər Əlirza oğlu Əliyevin oxuculara təqdim olunan bu növbəti cildində Azərbaycanın ölkədaxili siyasətinə, beynəlxalq əlaqələrinə və münasibətlərinə dair çıxışları, nitqləri, eləcə də ölkəmizə səfər etmiş Rusiya, ABŞ, Yunanıstan, Çin və İranın nüfuzlu dairələrinin nümayəndələri ilə apardığı danışıqları dərc olunmuşdur. Bu cilddə, həmçinin ulu öndərin ABŞ-a işgüzar səfəri zamanı prezident Corc Buş və digər yüksək vəzifəli Şəxslərlə görüşlərdə ölkələrimiz arasında ikitərəfli münasibətlər, beynəlxalq terrorizmə qarşı birgə mübarizə, Xəzər karbohidrogen ehtiyatlarının işlənilməsi və nəqli ilə bağlı məsələlər, Ermənistan– Azərbaycan, Dağlıq Qarabağ münaqişəsinin sülh yolu ilə həlli və digər məsələlərə dair materiallar, «Şərq – Qərb enerji dəhlizi reallıqdır» adlandırılan beynəlxalq konfransdakı nitqi, mətbuat orqanlarına verdiyi bəyanat və müsahibələri toplanmışdır.