Azərbaycan xalqının ümummilli lideri, müdrik siyasətçi Heydər Əlirza oğlu Əliyevin çoxcildlik əsərlərinin oxuculara təqdim olunan bu cildində tərəqqisi üçün çalışdığı, mədəniyyəti, keçmişi ilə fəxr etdiyi döğma Vətəni – Azərbaycanın daha da yüksəlişinə və çiçəklənməsinə dair materiallar toplanmışdır. Kitabda Azərbaycana gələn Türkiyə, Rusiya, ABŞ, Yunanıstan, Böyük Britaniya, Səudiyyə Krallığı və digər ölkələrin nüfuzlu dövlət və hökumət nümayəndələri, beynəlxalq təşkilatların rəhbərləri, ictimai-siyasi xadimləri ilə dövlət başçısının görüşləri, dərin məzmunlu söhbətləri, apardığı danışıqlar öz əksini tapmışdır. Əvvəlki cildlərdə olduğu kimi bu cilddə də ulu öndərin ayrı-ayrı hökumət və dövlət başçılarına, eyni zamanda ölkəmizin tanınmış ədəbiyyat, elm, təhsil, incəsənət, mətbuat işçilərinə, ictimai-siyasi təşkilatlara ünvanladığı çoxsaylı məktubları, teleqramları və s. sənədlər yer almışdır. Cildə Heydər Əliyevin Azərbaycan xalqına son müraciəti də daxil edilmişdir. Kitabın sonunda müstəqil Azərbaycan dövlətini qurmuş, milli dövlətçiliyimizin ideya təməlini qoymuş Heydər Əliyev haqqında akademik Ramiz Mehdiyevin «Azərbaycanda müstəqil dövlətçiliyi yaradan – ümummilli lider Heydər Əliyevin qadir siyasətidir» adlı məqaləsi verilmişdir.