Dilin elmi şəkildə öyrənilməsi, başqa sözlə, ümumi dilçiliyin meydana gəlməsi uzun tarixə malikdir. Dilçilik öz qanunauyğunluqları əsasında inkişaf edir. Dil çox mürəkkəb ictimai bir hadisədir. Dillər daim dəyişməkdə, inkişaf etməkdədir. Müasir dövrdə bu dəyişim və inkişaf dilin daxili quruluşuna da təsirsiz ötüşmür. Bu da öz növbəsində dilçiliyə, onun qanunauyğunluqlarına öz təsirini göstərir. Həmin dəyişiklik və inkişaf nitq hissələrində də özünü biruzə verir.