İstənilən fəaliyyət növünündə insanın diqqətini funksional baxımdam əhəmiyyət daşıyan əlaqələr cəlb edir, onun təfəkkürünü, diqqətini, emosiyalarını müəyyən tərzdə lazımi yola istiqamətləndirir. Təhlil qrammatikadan, sintaksisdən başlandıqda bütün diqqət cümlənin ünsiyyət prosesi ilə bağlı olmayan formal strukturu üzərində cəmlənir. Təhlil qarşılıqlı nitq əlaqələrinin qanunauyğun qaydaları, mətnin arxasında gizlənən canlı gerçəkliyin təcəssümü üzərində qurulduqda isə bütün diqqət daxili qarşılıqlı əlaqələrin mahiyyətinin açılmasına yönəldilir.