Ali təhsilimizin Avropa təhsilinə inteqrasiyasının reallaşdırılmasında mühüm tədbirlərdən biri də Bolonya prinsiplərinin Azərbaycanda tətbiqidir. Bolonya prosesinin tələbləri daim artır. Kredit sisteminin tətbiqi və “kredit” adı ilə tədris edilən kursların, proqramların, tədrisyüklərinin qiymətləndirilməsinin tətbiqi və diploma əlavədə öz əksini tapması Bolonya prosesinin ən mühüm prinsiplərindən biridir. Yekun olaraq XXI əsrdə dünyanın heç bir ölkəsində ali təhsil sistemi təcrid olunmuş şəkildə mövcud ola bilməz. Təhsil ocaqlarının ölkə daxilində, bir qrupölkəni əhatə edən bölgələrdə və beynəlxalq aləmdə geniş əməkdaşlıq şəbəkələrinin qurulmasıqloballaşma dövründə güc qazanma cəhətdən də zəruriyyətə çevrilmişdir.