Bu kitaba Kamal Abdullanın Azərbaycan mətn dilçiliyində yeni istiqamətin bünövrəsi sayılan “Azərbaycan dili sintaksisinin nəzəri problemləri” adlı fundamental tədqiqat əsəri, “dilçi olmayanlar üçün” yazılmış “Dilçiliyə səyahət” elmi-bədii əsəri, Azərbaycan dilçiliyində mifolinqvistika xəttinin ilkin rüşeymlərini özündə ehtiva edən “Mifolinqvistikaya giriş” plan-prospekti, akademik Azad Mirzəcanzadə ilə birgə Bakı Slavyan Universitetinin magistrantları üçün oxuduğu mühazirələri və dilçiliyin, ədəbiyyatşünaslığın müxtəlif problemlərinə dair yazdığı elmi, elmi-publisistik və ədəbi-tənqidi məqalələri daxil edilib.