Müasir İsrail dövlətində dini qurumların geniş şəbəkəsi mövcuddur. Dini qurumlarla yanaşı, fəaliyyət göstərən dini məhkəmələrin də cəmiyyət və dövlət həyatında müəyyən yeri və rolu vardır. Ümumiyyətlə, dini qurumların statusu və insanların gündəlik həyatında oynadığı rol, dini qurumların fəaliyyətinin dünyəvi cəmiyyət tərəfindən qiymətləndirilməsi İsrail cəmiyyətində mövcud aktual problemlərdən biridir.