Antonomasiya hadisəsi öz mahioyyəti etibarı ilə məcaz dili elementi olaraq bir informasiya kodunun digər informasiya kodu ilə əvəzlənməsini əks etdirdiyindən, yəni qəbul olunmuş bir nominasiya vahidinin işlənmə mövqelərində digər törəmə (təkrar) nominasiya vahidinin yer almasını ehtiva etdiyindən, labüd şəkildə kommunikasiya iştirakçılarının bu iki nominasiya vahidləri arasında mövcud olan korrelyasiya əlaqəsindən xəbərdar olması gərəkdir. Məqalədə təqdim olunan nümunələrdən aydın şəkildə göstərildiyi kimi, bir çox hallarda antonomasiya vahidləri məhz, şifer mahiyyəti kəsb etməklə situasiyanın, kontekstin "doldura" biləcəyi və bəzi hallarda, eyni törəmə nominasiya vahidinin anlamının hətta tamamilə fərqli şəkildə "doldurula" bildiyi xüsusi növ "qəlibləri", "boşluqları" təcəssüm etdirirlər.