Azərbaycan və ingilis xalq nağıllarının onomastikonunda yer alan ən çox saylı onomastik qrupun - antroponimlərin təhlilinə keçincə, diqqət yetirmək istədiyimiz məqamlardan biri hər iki mətn qruplarında ümumiyyətlə, Dünya folklor irsi üçün ortaq olan bir xüsusiyyətlər də yer alır. Belə ki, demək olar ki, əksər xalqların folklor ədəbiyyatında yüksək işlənmə tezliyi ilə seçilən xüsusi qrup şəxs adları mövcuddur. Həmin şəxs adları bilavasitə xalqın tarixi, onun adət-ənənələri, dini-konfessional mənsubluğu ilə şərtlənməklə bərabər, xalqın dilinin real işlək onomastikonunda öz aktiv işləkliyi ilə seçilirlər.