Xalq nağılları mətnlərinin dili onların müəllifi olan topluluqların təmasda olduğu, qarşılıqlı və ya birtərəfli qaydada bəhrələndiyi mədəniyyətlərin təsir izini özündə əks etdirir və həmin təsir izləri əsas etibarı ilə leksik layla öz əksini tapır. Eləcə də nağıl mətnlərində ortaq olan formullar izlənilir ki, bu da fərqli mədəniyyət daşıyıcılarının universal folklor modeli formatlarından paralel şəkildə bəhrələndiyini söyləməyə əsas verir.