Allah sizə qəni-qəni rəhmət eləsin, Mirzə Cəlil! Bir qrup mülkədar-kapitalistlərə xidmət edən cəmiyyət yaramazlıqlarını “Danabaş kəndinin əhvalatları” əsərində canlandırıb oxucuların təfəkküründə inqilab yaratmış oldunuz. ”Danabaş kəndinin əhvalatları” əsərindən düz yüz iyirmi səkkiz il keçsə də, əsərin təsirindən hələ də qurtarmaq mümkün deyil. Çünki, cəmiyyət öz kəm-kəsirləri ilə yaşadıqca yeni danabaşlar peyda olmaqdadır. Qələmə aldığınız danabaşlar cəmiyyətin yaramazlığından, mövhumatçılığın geniş vüsət almasından irəli gəlirdisə, on iki il üzünü gördüyünüz Şura hökuməti dövründə yaranan yeni danabaşlar daha hiyləgər olub pərdələnmiş fəaliyyət göstərərək sadə zəhmətkeş insanların əzablarına səbəb olmuşlar.