Stiven Kinqin yaradıcılığının bədii-estetik problemlərinin araşdırılması çağdaş Amerika ədəbiyyatının inkişaf qanunauyğunluqlarının müəyyən köklü cəhətlərini üzə çıxarmağa imkan verir. Dissertasiya ədəbiyyatşünaslığımızda görkəmli amerikan yazıçısı Stiven Kinqin ədəbi irsi haqqında sistemli tədqiqat işi olduğundan onun elmi nəticələrindən xarici ölkə, o cümlədən ABŞ ədəbiyyatı tarixinin araşdırılmasında, ali məktəblərdə dünya ədəbiyyatı, habelə xüsusi kursların aparılmasında istifadə etmək olar.