Üslubun funksional nitq növü kimi müəyyənləşməsi prosesi ötən əsrin ortalarından başlasa da onun bir məcraya yönəlib sürətlə irəli getməsi dil hadisələrinə funksional mövqedən yanaşmadan qaynaqlanır. Funksional qrammatikanın mərkəzi anlayışlarından biri funksional-semantik kateqoriyalar və ya funksional-semantik sahələrdir. Bu kateqoriyaların əsaslandırılması və öyrənilməsi, şübhəsiz ki, tədqiqatların linqvistikanın formal və struktur aspektdən funksional aspektə doğru inkişafında irəliyə doğru bir addımdır.