Nəzakətsizlik kateqoriyası ədəbsiz ifadələrin işlənməsi nəticəsində təzahür edən linqvo-praqmatik kateqoriyadır. Ədəbsiz ifadələr bir çox yerlərdə işlədildiyi kimi, iş yerlərində də istifadə edilməsi mümkün haldır. Belə ifadələr adətən gərgin situasiyalarda təzahür edir. İş söhbətlərində nəzakətsizliyik işçilərin ünsiyyət zamanı işlətdikləri ifadəyə və davranışa diqqət etməmələri nəticəsində yaranır. İş yerlərində nəzakətsizlik halları işçilər, işçi və müdir arasında olur və işçilərin müdirə eyni zamanda, müdirin işçiyə etdiyi nəzakətsizlik həmsöhbətlər tərəfindən fərqli şəkildə qəbul edilir.