İdiomlar istənilən xalqın nitqində yaranan, formalaşan, onların dil xəzinəsini təcəssüm etdirən, əsrlər boyunca cilalana-cilalana meydana çıxan bədii ifadələrdir. idiomatik ifadələr ünsiyyət ehtiyacından yaranmış, xalqın həyat tərzini, təfəkkürünü, milli adət-ənənəsini birbaşa əks etdirməkdədir. İngilis idiomları xalqın təfəkkürünü, spesifikliyini, mədəniyyətinin xüsusiyyətlərini özündə əks etdirir. Müasir tədris metodologiyasında ingilis idiomlarının bir tədris vasitəsi kimi istifadəsi tələbələrin şifahi nitqinin inkişafı üçün zəruri bir amildir.