Bu kitabda ən universal cədvəl prosessoru kimi tanınmış MS Excel 2010 proqramı şərh olunur. Kitabda File (Fayl) menyusunun əmrləri və panellər lentinin idarəetmə elementləri məntiqi ardıcıllıqla sadə və başa düşülən dildə şərh olunmuş və onların istifadə qaydaları göstərilmişdir. O cümlədən, kitabda müxtəlif mövzulara uyğun materialların şərhində çoxsaylı dialoq pəncərələri və tapşırıq nümunələrindən istifadə edilmişdir ki, bu da kitabın daha oxunaqlı olmasına, həmçinin MS excel 2010 proqramının daha asan və rahat mənimsənilməsinə imkan verir. Kitab universitet tələbələri, magistrlər və müəllimlər üçün nəzərdə tutulur. Kitabdan kompüterdə işləməyi müstəqil öyrənmək istəyənlər də istifadə edə bilərlər.