Monoqrafiya müasir qloballaşan dünyada multikulturalizm şəraitində milli dilin inkişafını nəzərə alaraq xarici dillər tədrisinin təkmilləşməsi üçün nəzərdə tutulmuşdur. Kitabda mədəniyyətlərarası kommunikasiya anlayışının təsnifi, təhlili, kommunikasiyanın şəxsi amillərinin öyrənilməsi, linqvistik kompetensiya strukturunun tədqiqi, spesifik xüsusiyyətlərinin tətbiqi üsullarının izahı, multikulturalizmin tarixi, inkişaf tendensiyaları və nəzəri aspektləri, bu sahədə ən son zamanlarda irəli sürülmüş yeni nəzəri istiqamətlər, onların ümumiləşdirilmələri, müasir beynəlxalq münasibətlərin inkişafının real əsasları, şərtləri və onlardan asılı olaraq müxtəlifsistemli dillərin effektiv tədrisinin aşılanması və s. kimi məsələlər öz əksini tapmışdır. Həmçinin monoqrafiyanın əlavə hissəsində qısa izahlı kommunikasiya terminlərinin lüğəti verilmişdir.