Məqalədə reklam elanlarının mətnlərində istifadə olunan manipulyativ vasitələr təhlil edilir. Belə ki, reklam elanı vasitəsilə dil manipulyasiyası, əsasən, dil vasitələrindən, xüsusilə də konseptual metaforalardan faydalanmağı nəzərdə tutur və istehlakçı həmin dil vasitələrini məlumatı anlamasa belə məhsul və ya xidmət haqqında obyektiv informasiyanın bir hissəsi kimi qəbul edir. Beləliklə, elanlarda dil manipulyasiyası hadisəsi dedikdə gerçəkliyin real təsvirini deyil, onun dilin fonetik, leksik və sintaktik imkanları hesabına subyektiv interpretasiyasının variantları nəzərdə tutulur.