Tədqiqat işində Q. Q. Markezin məşhur əsərlərindən biri olan “Patriarxın payızı” əsərindən bəhs olunmuşdur. Əsər yazıçının vətəninin – Kolumbiyanın, eləcə də bütövlükdə Cənubi Amerikanın XIX-XX əsrlərdəki tarixi-siyasi gerçəkliklərinə güzgü tutmuşdur. Əsərdə yazıçı patriarx obrazı timsalında bəhs olunan dövrlərdə ispan ağalığına son qoyulduqdan sonra yaranan dövlətlərdə meydanda at oynadan siyasi liderlərin ümumiləşmiş obrazını yaratmağa çalışmışdır. Tədqiqat işi həmin liderlərin patriarx obrazında əks olunan xüsusiyyətlərini bir çox yöndən təhlil etməyə həsr olunmuşdur.