Toplanan materiallar pedaqoji elmin və pedaqoji prosesin bütün sahələrini əhatə edir. Müəllimin vəzifəsi nəinki biliklərin, bacarıq və vərdişlərin şagirdlər tərəfindən şüurlu mənimsənilməsini, habelə bu biliklərin, bacarıq və vərdişlərin mənimsədilməsi prosesində şagirdlərin əqli və praktik fəallığını, müstəqilliyini, onların şəxsiyyətinin inkişafını təmin etməkdən ibarətdir. Bu əsasda təlim formaları və üsulları, dərs tipləri, dərsin strukturası nəzərdən keçirilməli, şagirdlərdə əqli və praktik fəallığı artıran tədris imkanları aşkara çıxarılmalıdır.