Pedaqoji proses, yəni təlim, tərbiyə, təhsil və psixoloji inkişaf ayrı-ayrı adamların istək və arzularından asılı olmayan obyektiv proseslərdir: özü də öyrədən və öyrənənlər arasında, tərbiyəçi ilə tərbiyə olunanlar, müəllimlə şagirdlər arasında baş verən və şəxsiyyətin formalaşmasına yönələn proseslərdir. Pedaqoji proses inkişaf etdiyi kimi, pedaqoji elm də inkişaf edir. Pedaqoji elmin məqsədi pedaqoji prosesdə cərəyan edən qanunauyğunluqları üzə çıxarmaqdan və pedaqoji proses iştirakçılarını həmin qanunauyğunluqlarla silahlandırmaqdan ibarətdir.