Bədii tərcümə prosesini çətinləşdirən, digər tərəfdən isə bu prosesi təkrarsız edən ən vacib məqamlardan biri müəllif və tərcüməçinin dil şəxsiyyətlərinin korrelyasiyası faktoru, daha dəqiq desək, bu qarşılıqlı şərtlənmə və müvaziliyin reallaşma səviyyəsi ilə bağlıdır. Belə ki, bilavasitə tərcümə prosesinin müvəffəqiyyəti, bir çox hallarda müəllifin dil şəxsiyyətinin tərcüməçi tərəfindən adekvat şəkildə "deşifrə" olunması və onun (müəllifin) aid olduğu toplumun dünyanın dil mənzərəsinə bələdlik səviyyəsi ilə şərtlənə bilir.