Məqalədə ingilis dilinin idiomatik ifadələrinin autentik (orijinal) mətnlər vasitəsilə öyrədilməsindən söhbət açılır. Təlim-tədris prosesində ingilis dilinin idiomatik ifadələrinin autentik mətnlər (situasiyalar) vasitəsilə tədrisi ali məktəblərin yuxarı kurs tələbələrinin idiomları yalnız mənalarına görə deyil, həmçinin situasiya daxilində hadisələri detallı qavramağını, onlardan düzgün istifadəni təmin edir. İngilis dilinin tədrisi zamanı istifadə ediləcək autentik mətnlər dil daşıyıcılarının həyat tərzini, sosial davranışını, fərdi xarakterini açıq-aydın təcəssüm etdirdiyindən idiomlarla zəngin orijinal mətnlər tələbələr üçün maraqlı informasiya mənbəyi olmaqla yanaşı, onların ifadəli və obrazlı nitq bacarıqlarının formalaşdırılması və vərdişlərinin inkişaf etdirilməsi baxımından olduqca əhəmiyyətlidir.